काठमाडौं । निर्वाचन आयोगले रूपन्देही क्षेत्र नम्बर ३ मा तय भएको उपनिर्वाचन रद्द गर्ने निर्णय गरेको छ।
आयोगले सोमबार विज्ञप्ति जारी गर्दै आगामी कात्तिक १७ गतेका लागि तय भएको उपनिर्वाचन अब नहुने स्पष्ट पारेको हो।
राष्ट्रपति रामचन्द्र पौडेलले प्रतिनिधिसभा विघटन गर्दै आगामी फागुन २१ गते नयाँ निर्वाचन मिति घोषणा गरेपछि उपनिर्वाचनको आवश्यकता समाप्त भएको आयोगले जनाएको छ।
सोमबार बसेको आयोगको बैठकले उपनिर्वाचनसँग सम्बन्धित सम्पूर्ण कार्यक्रम औपचारिक रूपमा खारेज गर्ने निर्णय गरेको हो।
प्रकाशित मिति: ३० भाद्र २०८२, सोमबार
प्रतिक्रिया