काठमाण्डौं । सामाजिक अभियन्ता तथा विश्लेषक युवराज सफलले काठमाडौँ महानगरपालिकाका मेयर बालेन शाहमाथि गम्भीर आरोप लगाएका छन्। सफलका अनुसार बालेनको पछिल्लो उदय पछाडि विदेशी शक्तिहरू – विशेषतः युरोप, अमेरिका र भारतको रणनीतिक समर्थन रहेको छ।
सफलले दाबी गरेका छन् कि बालेन आगामी २/३ वर्षमा पतन भएर राजनीतिक रूपमा समाप्त हुने छन्। ‘त्यसपछि बालेन लहर क्रमशः घट्दै जानेछ,’ उनले भनेका छन्। यही परिदृश्यलाई मध्यनजर गर्दै विदेशी शक्तिहरूले नयाँ ‘दलाल’ खोज्ने प्रयासमा बालेनलाई अगाडि सारेको उनी बताउँछन्।
उनका अनुसार अन्तरिम सरकारलाई प्रभावमा पार्ने उद्देश्यसहित बालेनले आफ्ना सल्लाहकार ओम प्रकाश अर्याललाई गृहमन्त्री बनाइसकेको दाबीसमेत गरिएको छ। सफलले बालेन अब आफ्नै नेतृत्वमा नयाँ राजनीतिक दल गठन गर्ने तयारीमा रहेको बताएका छन्।
प्रकाशित मिति: १ आश्विन २०८२, बुधबार
प्रतिक्रिया