दार्चुला । दोगडाकेदार गाउँपालिका–५ सलसेना नजिक आज बिहान खसेको पहिरोका कारण महाकाली राजमार्ग अवरुद्ध भएको छ।
प्रहरी नायव उपरीक्षक दीपककुमार रायका अनुसार सडक माथिबाट खसेको ठूलो पहिराले राजमार्ग पूर्ण रूपमा ठप्प बनेको छ। यातायात अवरुद्ध भएपछि दार्चुलाबाट छुटेका सवारीसाधन तथा दार्चुलातर्फ जाँदै गरेका गाडी बीच बाटोमै रोकिएका छन्।
राजमार्ग सञ्चालनमा ल्याउन सडक डिभिजन कार्यालय, प्रहरी र स्थानीय निकायसँग समन्वय भइरहेको प्रहरीले जनाएको छ।
यसअघि पनि मंगलबार सो क्षेत्रमा पहिरो खसेर यातायात अवरुद्ध भएको थियो। लगातारको वर्षाका कारण उक्त खण्डमा बारम्बार पहिरो खस्ने क्रम बढेको छ।
प्रकाशित मिति: २ आश्विन २०८२, बिहिबार
प्रतिक्रिया