काठमाडौं । काठमाडौँको बनस्थलीमा बसको ठक्करबाट एक जना वृद्धको मृत्यु भएको छ।
बिहीबार बिहान साढे ५ बजे महानगर यातायातको बा.प्र. ०१-००६ ख ७५४३ नम्बरको बसले मूल सडकमा एक वृद्धलाई ठक्कर दिँदा उनको घटनास्थलमै मृत्यु भएको काठमाडौँ उपत्यका ट्राफिक प्रहरी कार्यालयका एसपी दीपक गिरीले प्रशासनलाई बताए ।
मृत्यु हुनेमा सङ्खुवासभा घर भई बनस्थली बस्ने ६८ वर्षीय जसबहादुर मगर छन्। एसपी गिरीका अनुसार अहिले कानुनी प्रक्रिया चलिरहेको र त्यो पूरा भएपछि शव पोस्टमर्टमका लागि लगिनेछ। दुर्घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: २ आश्विन २०८२, बिहिबार
प्रतिक्रिया