काठमाडौं । आम जनता पार्टी (आजपा)को केन्द्रीय कमिटी बैठक बस्दैछ । नयाँ तथा विकसित परिस्थितिबारेमा धारणा बनाउन शनिबार काठमाडौँमा केन्द्रीय कमिटी बैठक आजपाले बोलाएको हो ।
आजपा केन्द्रीय कार्यालयका सदस्य त्रिभुवन साहले पछिल्लो राजनीतिक अवस्थाको बारेमा धारणा बनाउन केन्द्रीय कमिटीको बैठक बस्न लागेको जनाएका छन् । नेपाली जनताले सबै कुरा अस्वीकार गरिसकेको अवस्थामा पुरानै व्यवस्थालाई स्वीकार गर्न नसकिने उनले बताए ।
संघीय सरकार मात्र नभई ७६१ वटै सरकार र सबै निकाय भ्रष्टाचारमा लिप्त भएकाले संघीय सरकार परिवर्तन गरेर नेपाली जनताको अवस्था परिवर्तन नहुने आजपाले जनाएको छ ।
प्रभु साह नेतृत्वको आजपाले नयाँ संविधान र नयाँ सरकारको माग गर्दै आएको छ ।
प्रकाशित मिति: २ आश्विन २०८२, बिहिबार
प्रतिक्रिया