काठमाडौं । प्रभु साह नेतृत्वको आम जनता पार्टी (आजपा)ले Gen-Z संगठनलाई देशव्यापी रूपमा विस्तार गर्ने निर्णय गरेको छ । हालै सम्पन्न केन्द्रीय समिति बैठकले विवेश साहको नेतृत्वमा संगठन गठन गर्दै परिवर्तन चाहने नयाँ पुस्तालाई संगठित गर्ने कार्य सुरु गर्ने निर्णय गरेको प्रवक्ता चन्द्र भुषण साहले जानकारी दिए ।
बैठकले Gen-Z आन्दोलनका क्रममा भएको विद्यार्थीको हत्या, सार्वजनिक सम्पत्तिमा भएको तोडफोड र आगजनी घटनाबारे निष्पक्ष छानबिन गरी दोषीलाई कडा कारबाही गर्न सरकारसँग माग गरेको छ ।
युवाहरूसँग व्यापक एकता कायम गर्नका लागि पार्टीले तिलक थापा मगर, चन्द्र भुषण साह, विजय यादव, सुभाष साह र राम विष्टलाई वार्ताको जिम्मेवारी दिएको छ । साथै सातै प्रदेशमा भेला आयोजना गर्ने तयारीस्वरूप अध्यक्ष, इन्चार्ज र सह–इन्चार्ज समेत तोकिएको बैठकले जनाएको छ ।
प्रकाशित मिति: ६ आश्विन २०८२, सोमबार
प्रतिक्रिया