काभ्रे । ३० वर्षीया मनिषा घ्यावा तामाङ (जमूना) को हत्या उनके श्रीमान सन्तबहादुर तामाङले गरेको प्रहरीले पुष्टि गरेको छ।
आइतबार मनिषाको शव घर नजिकैको बारीमा ५ सय मिटर दूरीमा गाडिएको अवस्थामा फेला परेको थियो। जिल्ला प्रहरी कार्यालय काभ्रेका डिएसपी मिनबहादुर घलेका अनुसार सन्तबहादुर भदौ २४ गते नख्खु कारागारबाट भागेका थिए।
‘कारागारबाट भागेको दिन घर फर्केका सन्तबहादुर र मनिषाबीच असोज २ गते श्रीमतीमाथि लागेको शंकाका कारण विवाद भएको छ,’ डिएसपी घलेले बताए। प्रहरीले जनाएको छ, सो विवादका क्रममा सन्तबहादुरले मनिषाको हत्या गरेका थिए।
हत्या गरेपछि उनले शव नजिकैको बारीमा खाल्डो खनी पुरेर असोज ३ गते आफूलाई नख्खु कारागारमा उपस्थित गराएका थिए। सन्तबहादुर बलात्कार मुद्दामा सजाय भोगिरहेका थिए।
प्रकाशित मिति: ६ आश्विन २०८२, सोमबार
प्रतिक्रिया