काठमाडौं । तीन मन्त्रालयको जिम्मेवारी पाएका नवनियुक्त मन्त्री अनिलकुमार सिन्हाले सोमबार पदभार ग्रहण गरेका छन्।
राष्ट्रपति रामचन्द्र पौडेलबाट शपथ लिएपछि उनले सिंहदरबारस्थित उद्योग, वाणिज्य तथा आपूर्ति मन्त्रालयमा औपचारिक रूपमा जिम्मेवारी सम्हाले।
मन्त्री सिन्हालाई उद्योग, वाणिज्य तथा आपूर्ति, भूमि व्यवस्था, सहकारी तथा गरिबी निवारण र कानुन, न्याय तथा संसदीय मामिला मन्त्रालयको जिम्मेवारी दिइएको छ। यसअघि कानुन मन्त्रालयको कार्यभार गृहमन्त्री ओमप्रकाश अर्यालले सम्हाल्दै आएका थिए। प्रधानमन्त्री सुशीला कार्कीले यो मन्त्रालय सिन्हालाई जिम्मा लगाएकी हुन्।
सिन्हा सर्वोच्च अदालतका पूर्वन्यायाधीश समेत हुन्।
प्रकाशित मिति: ६ आश्विन २०८२, सोमबार
प्रतिक्रिया