काठमाडाैं । नेकपा एमालेका नेता गोकुल बास्कोटाले तत्कालीन केपी शर्मा ओली नेतृत्वको सरकार र राज्य संयन्त्रको कार्यशैलीप्रति गम्भीर प्रश्न उठाएका छन्।
समाजिक सञ्जालमार्फत प्रतिक्रिया दिँदै उनले लेखेका छन्, ‘यदि सबै कुरा ठिकै थियो भन्ने दाबी भ्रम मात्र होइन भने यस्तो परिस्थिति किन आयो? के यो भूकम्प, सुनामी वा टाइफुनजस्तो आकस्मिक प्रकोप थियो? राज्य संयन्त्र बेखबर थियो कि बेपरवाह?’
भदौ २३ र २४ गते भएको जेन–जी आन्दोलनपछि ओली सरकार पतन भएलगत्तै बास्कोटाले यस्तो टिप्पणी गरेका हुन्। उनले अझ थप्दै भनेका छन्, ‘यदि कारण पत्ता लगाउने, समीक्षा गर्ने र सुधारको बाटो तय गर्ने कुरा गर्नै सकिँदैन भने यो वेक–अप कललाई डिलिट गर्नु सरह हुनेछ।’
प्रकाशित मिति: ७ आश्विन २०८२, मंगलबार
प्रतिक्रिया