काठमाडाैं । भारतबाट नेपाल ल्याउँदै गरेको स्रोत नखुलेको ठूलो मात्रामा नगदसहित एक व्यक्ति विराटनगरमा पक्राउ परेका छन्।
मंगलबार विराटनगर–१८ का ४१ वर्षीय वीरेन्द्र साहलाई प्रहरीले नियन्त्रणमा लिएर उनको साथबाट नेपाली १४ लाख ५० हजार रुपैयाँ बरामद गरेको मोरङ प्रहरीका प्रवक्ता डिएसपी कोपिला चुँडालले जानकारी दिइन्।
उनका अनुसार अस्थायी प्रहरी पोस्ट मटेरुवाबाट खटिएको असई जागेन्द्र फुयाँल नेतृत्वको टोलीले भारततर्फबाट शंकास्पद रूपमा नेपाल प्रवेश गरेको को ३८ प ५८५१ नम्बरको मोटरसाइकल रोकेर जाँच गर्दा सो रकम फेला परेको हो।
साहलाई नियन्त्रणमा लिएर इलाका प्रहरी कार्यालय रानीका निरीक्षक कविन राई नेतृत्वको टोलीले थप अनुसन्धान सुरु गरेको छ। बरामद रकम हुण्डी कारोबारसँग सम्बन्धित भएको हुन सक्ने प्रहरीको प्रारम्भिक अनुमान छ।
प्रकाशित मिति: ८ आश्विन २०८२, बुधबार
प्रतिक्रिया