काठमाडौं । ललितपुरको नख्खु कारागारबाट फरार भएका शिव शिखर सहकारीका अध्यक्ष केदारनाथ शर्मा पुनः पक्राउ परेका छन्।
प्रहरीको केन्द्रीय अनुसन्धान ब्यूरो (सीआईबी) ले बुधबार सानेपाबाट उनलाई पक्राउ गरी नख्खु कारागारमै बुझाएको सीआईबीका प्रवक्ता धर्मराज भण्डारीले जानकारी दिए।
शर्मा सहकारी ठगी प्रकरणमा पुर्पक्षका लागि कारागार चलान भएका थिए। यसअघि २०८० असार १२ गते पनि सीआईबीले उनलाई भारतको मुम्बईबाट पक्राउ गरेको थियो।
सहकारी ठगीसँगै उनको विरुद्धमा २२ अर्ब रुपैयाँभन्दा बढीको सम्पत्ति शुद्धीकरणको मुद्दा समेत दायर गरिएको छ।
प्रकाशित मिति: ८ आश्विन २०८२, बुधबार
प्रतिक्रिया