काठमाडौं । शुक्रबार रातिदेखि परेको अविरल पानीका कारण त्रिभुवन विमानस्थलको आन्तरिक उडान अहिलेलाई बन्द गरिएको छ।
लगातारको झरीले उडान गर्ने अवस्था नभएपछि बिहानबाट अहिले १० बजेसम्मका लागि आन्तरिक उडान बन्द गरिएको विमानस्थलले जनाएको छ।
त्यसपछि मौसम हेरेर उडान सुरू गर्ने कि नगर्ने भनेर निर्णय गरिने सूचना विमानस्थलले सबै हवाई सेवा कम्पनीहरूलाई दिइसकेको छ।
मौसम पूर्वानुमान महाशाखाले सोमबारसम्म पानी परिरहने अनुमान गरेको छ।
प्रकाशित मिति: १८ आश्विन २०८२, शनिबार
प्रतिक्रिया