काठमाडौं । विपद् प्रतिकार्यका लागि सशस्त्र प्रहरीका ७ हजार बढी जनशक्ति परिचालन भएका छन् । ६३ जिल्लामा माइकिङ गरेर सुरक्षित रहन आह्वान गरिएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ७ हजार ३१५ जना सशस्त्र प्रहरी परिचालन भएका छन् ।
विभिन्न टोलीले जनचेतनाका लागि माइकिङ गरेर सुरक्षित रहन आह्वान गरिएको छ ।
२६ वटा विपद् प्रतिकार्य वेश तयार गरिएको छ । ९ वटा विपद् प्रतिकार्य वेश यस अगाडि नै रहेका थिए । यी सबै वेशमार्फत काम भइराखेको छ ।
९९० जना स्वयंसेवक तयार गरिएको छ । उनीहरूलाई १८ दिने तालिका दिएर तयारी अवस्थामा राखेको हो ।
उद्धार उपकरणहरू समेत तयारी अवस्थामा राखिएको र आवश्यकता अनुसार तुरुन्तै प्रयोग गर्न सकिने प्राधिकरणले जनाएको छ ।
प्रकाशित मिति: १८ आश्विन २०८२, शनिबार
प्रतिक्रिया