काठमाडाैं । बीपी राजमार्गका विभिन्न स्थानमा पहिरो र खोलाको कटानका कारण सडक अवरुद्ध भएपछि वैकल्पिक सडक हुँदै सवारीसाधनलाई काठमाडौं पठाइएको छ ।
राजमार्गको अस्थायी सडक हालैको बाढीले बगाएपछि सवारीसाधनलाई दोलखा चरिकोट हुँदै पठाइएको हो ।
काभ्रेको रोशी गाउँपालिकाको विभिन्न स्थानमा रोशी खोलाले राजमार्ग कटान गरेको छ भने नमोबुद्ध र धुलिखेलका क्षेत्रमा पनि सडक भासिएको र बगेको छ ।
बीपी राजमार्ग पूर्ण रूपमा खुल्न अझै केही समय लाग्ने देखिएपछि खुर्कोट-मन्थली-चरिकोट हुँदै खाँडीचौर जोड्ने वैकल्पिक मार्ग सञ्चालनमा ल्याइएको हो ।
प्रकाशित मिति: २० आश्विन २०८२, सोमबार
प्रतिक्रिया