काठमाडौं । काठमाडौं महानगरपालिका–३२ जडीबुटी क्षेत्रमा टिपरको ठक्करबाट एक पैदलयात्रीको मृत्यु भएको छ।
कोटेश्वरबाट जडीबुटीतर्फ जाँदै गरेको बा. प्र. ०१–००४ क ५३६२ नम्बरको टिपरले सिन्धुलीको गोलन्जोर गाउँपालिका–५ घर भएका ३७ वर्षीय दिनेश थापालाई ठक्कर दिएको थियो।
आइतबार राति टिपरको ठक्करबाट गम्भीर घाइते भएका थापाको ट्रमा सेन्टरमा उपचारको क्रममा मृत्यु भएको प्रहरीले जनाएको छ।
ठक्कर दिने टिपर चालकलाई प्रहरीले नियन्त्रणमा लिएको छ र थप अनुसन्धान जारी रहेको छ।
प्रकाशित मिति: २७ आश्विन २०८२, सोमबार
प्रतिक्रिया