सुर्खेत । कर्णाली प्रदेशको राजधानी वीरेन्द्रनगरमा तिहार नजिकिँदै गर्दा बजारमा प्लास्टिकका कृत्रिम मालाको बिक्री-वितरण खुलेआम भइरहेको छ।
स्थानीय तहले वातावरणीय प्रदूषण रोकथामका लागि प्लास्टिकजन्य फूलमाला बिक्री, वितरण र प्रयोगमा प्रतिबन्ध लगाएको भए पनि बजारमा यसको कार्यान्वयन प्रभावकारी हुन नसकेको देखिएको छ।
तिहार पर्वको तयारीमा व्यस्त स्थानीय व्यापारीहरूले बजार क्षेत्रका पसलहरूमा विभिन्न रंगका प्लास्टिक माला प्रदर्शनमा राखेका छन्। उपभोक्ताहरू पनि सस्तो र दीर्घकालीन प्रयोगका कारण यी कृत्रिम माला किन्न उत्साहित देखिन्छन्।
पर्यावरणविद्हरूले यस्तो प्रवृत्तिले प्लास्टिक प्रदूषण थप बढाउने चेतावनी दिएका छन्। उनीहरूले स्थानीय निकायले नियम कार्यान्वयनमा कडाइ गर्न र वातावरणमैत्री वैकल्पिक वस्तु प्रयोगमा प्रोत्साहन दिनुपर्ने सुझाव दिएका छन्।
प्रकाशित मिति: १ कार्तिक २०८२, शनिबार
प्रतिक्रिया