काठमाडौं । बाँकेमा बाघको आक्रमणबाट एक जनाको मृत्यु भएको छ। राप्तीसोनारी गाउँपालिका-९गुरुवागाउँ नमुनाटोलका ४० वर्षीय इन्द्रबहादुर खत्रीको बाघको आक्रमणबाट मृत्यु भएको हो ।
खत्रीलाई सामुदायिक वनमा बिहान आठ बजे घाँस काट्न गएको बेला बाघ आक्रमण गरेको जिल्ला प्रहरी कार्यालय बाँकेले जनाएको छ । उनको शव आज क्षतविक्षत अवस्थामा फेला परेको थियो । शरीरको मासु खाएको, टाउको र खुट्टा छुट्टिएको अवस्थामा शव भेटिएको हो।
बाघले पटक-पटक मान्छेलाई आक्रमण गरेको भन्दै स्थानीयले निकुञ्ज प्रशासनविरुद्ध आक्रोश पोखेका छन्।
प्रकाशित मिति: ८ कार्तिक २०८२, शनिबार
प्रतिक्रिया