काठमाडौं । संखुवासभाको चैनपुर नगरपालिका-११ स्थित सभाखोलाले बगाउँदा एक युवकको मृत्यु भएको छ।
मृत्यु हुनेमा धनकुटाको छथर जोरपाटी गाउँपालिका-२ निवासी २६ वर्षीय मिङमा शेर्पा रहेका छन्।
जिल्ला प्रहरी कार्यालय संखुवासभाका अनुसार शुक्रबार राति सभाखोलामा हात धुने क्रममा शेर्पालाई खोलाले बगाएर बेपत्ता बनाएको थियो।
घटनाको खबर प्राप्त हुनासाथ इलाका प्रहरी कार्यालय चैनपुर र अस्थायी प्रहरी पोष्ट सभाखोलाबाट खटिएको प्रहरी टोलीले खोजी कार्य सुरु गरेको थियो।
खोजी गर्ने क्रममा प्रहरीले उनको शव फेला पारेको हो। घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: ८ कार्तिक २०८२, शनिबार
प्रतिक्रिया