काठमाडौं । राष्ट्र, राष्ट्रियता, धर्म संस्कृति तथा नागरिक बचाउ महाअभियानका संयोजक दुर्गा प्रसाईंले अबको आन्दोलनमा पूर्व मेचीदेखि पश्चिममा महाकालीसम्म यातायात बन्द गराउने बताएका छन् । आज (आइतबार) राजधानीमा सम्पादकहरुसँग अन्तर्क्रिया गर्दै उनले अबको आन्दोलन सफल भएर नै छाड्ने बताए । आफूहरुले सुरु गरेको आन्दोलन सफल नभएको खण्डमा देशबाट ५० लाख मान्छे विस्तापित हुने अवस्थामा रहेको बताए ।
‘पूर्व मेचीदेखि पश्चिम महाकालीसम्म हामी यातायात बन्द नै गर्छौं । व्यापार–व्यवसाय बन्द नै हुन्छ । अब पनि यो आन्दोलन सफल भएन र नेपालीको हातमा र नेपालको माटो सुहाउँदो, नेपालीहरुले जितेनन् भने अब ५० लाख मान्छेहरु विस्तापित हुँदैछन् यो देशबाट । भुगोल रहला, तर नेपाली नागरिक रहँदैनन्,’उनले भने ।
उनले व्यवस्था परिवर्तन गर्नका लागि सबै जना लाग्नुपर्ने बताए । आफूहरुले आन्दोलनको मिति अबको ५/७ दिनपछि तोक्ने बताए । आफूहरुको आन्दोलन शान्तिपूर्ण हुने पनि उनले बताए । अबको आन्दोलन नेपाल र नेपाली जोगाउनका लागि रहेको उनको दाबी छ ।
प्रकाशित मिति: ९ कार्तिक २०८२, आइतबार
प्रतिक्रिया