काठमाडौं । नेपाली कांग्रेसका कार्यवाहक सभापति पूर्णबहादुर खड्काले छठ पर्वले नेपालमा सामाजिक सद्भाव, पारिवारिक एकता र राष्ट्रिय एकताको सन्देश फैलाउने महत्वपूर्ण भूमिका निर्वाह गर्ने बताएका छन्।
छठ पर्वको अवसरमा शुभकामना सन्देश जारी गर्दै खड्काले नेपाल बहुजातीय, बहुभाषिक, बहुसांस्कृतिक र बहुधार्मिक मुलुक भएको उल्लेख गर्दै यस्ता पर्वहरूले विविधता भित्रको एकता र सहिष्णुतालाई अझ सशक्त बनाउने धारणा व्यक्त गरे। उनले भने, हाम्रा चाडपर्वहरूले सामाजिक सम्बन्धलाई सुदृढ पार्नुका साथै राष्ट्रिय पहिचान र समृद्ध समाज निर्माणमा योगदान पुर्याइरहेका छन्।
शुभकामना सन्देशमा उनले छठ पर्वले अनुशासन, सामूहिक भावना र श्रद्धाको भावनालाई उजागर गर्दै सबैको घरपरिवारमा सुख, शान्ति र समृद्धिको वातावरण सिर्जना गर्न प्रेरणा दिने विश्वास व्यक्त गरे। साथै, स्वदेश तथा विदेशमा रहेका सम्पूर्ण नेपाली दाजुभाइ, दिदीबहिनी र अभिभावकहरूलाई पर्वको अवसरमा हार्दिक शुभकामना व्यक्त गरे।
प्रकाशित मिति: १० कार्तिक २०८२, सोमबार
प्रतिक्रिया