काठमाडौं । नेपाली कांग्रेसका नेता भुपेन्द्र शाहीले बारम्बार अवसर पाउने र अझैसम्म अवसर नपाएका बीचको विभेद नै अहिलेको प्रमुख राजनीतिक द्वन्द्व भएको टिप्पणी गरेका छन्।
शाहीले सामाजिक सञ्जालमार्फत लेख्दै भनेका छन्, ‘बारम्बार अवसर पाएका र पटक-पटक अवसर पाउने जति नै योगदान गरेर पनि, अहिलेसम्म कुनै अवसर नपाएका बीचको विभेद र असमानता नै अहिलेको मुख्य द्वन्द्व हो।’
नेता शाही भन्छन् , ‘योगदानको आधारमा होइन, पहुँच र निकटताका आधारमा अवसर बाँडफाँड हुँदै आएको कारण दलभित्र असन्तुष्टि बढेको छ।’ शाहीले यस प्रवृत्तिले संगठनभित्र आन्तरिक द्वन्द्व र असन्तुलन निम्त्याएको भन्दै सुधारका लागि नेतृत्वको ध्यानाकर्षण गराएका छन्।
उनले पार्टीभित्र अवसर वितरणमा पारदर्शिता र समानताको अभ्यास सुरु नगरे असन्तोष थप गहिरिने चेतावनीसमेत दिएका छन्।
प्रकाशित मिति: १५ कार्तिक २०८२, शनिबार
प्रतिक्रिया