काठमाडौं । काठमाडौंको माइतीघर मण्डलामा प्रदर्शनमा उत्रेका एक युवकलाई प्रहरीले नियन्त्रणमा लिएको छ।
प्रदर्शनकारीहरूले निवर्तमान प्रधानमन्त्री केपी शर्मा ओली र निवर्तमान गृहमन्त्री रमेश लेखकलाई पक्राउ गर्नुपर्ने माग राख्दै माइतीघरमा आन्दोलन गरेका थिए।
जेनजी आन्दोलनको घटनामा तत्कालीन प्रधानमन्त्री ओली, गृहमन्त्री लेखक र काठमाडौंका तत्कालीन सीडीओ छवि रिजाललाई कानुनी कारबाही गर्नु पर्ने भन्दै केही युवाहरू सडकमा उत्रेका थिए। प्रदर्शनका कारण माइतीघर वरिपरि केहीबेर सवारी आवागमन अवरुद्ध भएको थियो।
यसअघि पक्राउ परेका र गाँजा सेवन गरेको भेटिएका अभियन्ता डा. निकोलस भुसालले पनि आज माइतीघरमा प्रदर्शन गर्ने बताएका थिए।
प्रशासनले काठमाडौंका विभिन्न स्थानलाई निषेधित क्षेत्र घोषणा गर्दै प्रदर्शन रोक लगाउने व्यवस्था गरिसकेको छ।
प्रकाशित मिति: १६ कार्तिक २०८२, आइतबार
प्रतिक्रिया