काठमाडौं । नेपाली कांग्रेसको केन्द्रीय समिति बैठक आज दिउँसो १ बजे बोलाइएको भए पनि करिब १ घण्टा ढिला भएर सुरु भएको छ। यसअघि बैठक गत शुक्रबार र आइतबार पनि बोलाइएको थियो तर अन्तिम समयमा स्थगित गरिएको थियो।
बैठकको मुख्य एजेन्डा विशेष महाधिवेशन गर्ने कि नियमित महाधिवेशन गर्ने भन्ने विषय रहेको छ। पार्टीभित्र यस विषयमा विवाद उत्कर्षमा पुगेको छ।
आजको बैठकमा महामन्त्री गगनकुमार थापाले १५औं महाधिवेशनको कार्यतालिका पेश गर्ने तयारी गरेका छन्। विशेष महाधिवेशन पक्षधरहरूले काठमाडौंको थापागाउँमा छलफल जारी राखेको बताइएको छ। बैठकमा दुवै पक्षले आ–आफ्नो धारणा राख्ने अपेक्षा गरिएको छ, जसपछि महाधिवेशनको मिति र स्वरूपबारे अन्तिम निर्णय आउने सम्भावना छ।
प्रकाशित मिति: १८ कार्तिक २०८२, मंगलबार
प्रतिक्रिया