काठमाडौं । २४ भदौको जेनजी आन्दोलनको क्रममा प्रहरी कार्यालयबाट लुटिएको हतियारसहित एक युवक पक्राउ परेका छन् ।
काठमाडौं उपत्यका अपराध अनुसन्धान कार्यालय टेकुको विशेष टोलीले कैलाली टिकापुरका शिवराज धमलालाई प्रहरीबाट लुटिएको ३ वटा हतियारसहित तारकेश्वरबाट पक्राउ गरेको हो। उनीसँग एउटा इन्सास राइफल, एउटा सटगन र एउटा पेस्तोल बरामद भएको एसएसपी रमेश बस्नेतले बताए ।
पक्राउ परेका धमला पठाओ चालक हुन्। उनले सो हतियार आफुले बाटोमा भेट्टाएको दाबी गरेका छन्। बिक्रि गर्न खोज्दा उनी पक्राउ परेका हुन्। सो हतियार महाराजगञ्ज वृत्तबाट लुटिएको आकलन गरिएको छ ।
प्रकाशित मिति: १९ कार्तिक २०८२, बुधबार
प्रतिक्रिया