काठमाडौं । प्रधानमन्त्री सुशीला कार्कीले आगामी निर्वाचनका लागि मतदाता नामावलीमा आफ्नो नाम दर्ता गर्न सबै नागरिकलाई आग्रह गरेकी छन् ।
निर्वाचन आयोगले तोकेको समयसीमा अनुसार अब नाम दर्ता गर्न नौ दिन मात्रै बाँकी रहेको स्मरण गराउँदै प्रधानमन्त्री कार्कीले समयमै नाम दर्ता गर्नुपर्नेमा जोड दिएकी हुन् ।
उनी लेख्छिन् , ‘तपाईंको मत नै तपाईंको आवाज हो। मतदाता परिचयपत्रका लागि दर्ता गराउने अवधी अब मात्र ९ दिन बाँकी छ।’
निर्वाचन आयोगले फागुन २१ गते निर्धारित निर्वाचनका लागि मतदाता नामावली दर्ताको अन्तिम म्याद कात्तिक ३० गतेसम्म कायम गरेको छ । आयोगले तोकेको समयभित्र नाम दर्ता नगरेका नागरिकले मतदानमा सहभागी हुन नपाउने भएकाले सबैलाई शीघ्र दर्ता गर्न आग्रह गरिएको छ ।
प्रकाशित मिति: २१ कार्तिक २०८२, शुक्रबार
प्रतिक्रिया