एजेन्सी । अष्ट्रेलिया र इन्डोनेसिया सुरक्षा र रक्षा सहयोगलाई सुदृढ पार्ने उद्देश्यले नयाँ द्विपक्षीय सुरक्षा सन्धि मा सहमत भएका छन्। अष्ट्रेलियाका प्रधानमन्त्री एन्थोनी अल्बानीज ले इन्डोनेसियाका राष्ट्रपति प्रबोवो सुबियान्तो सँग सिड्नीमा भएको भेटवार्तापछि बुधबार संयुक्त पत्रकार सम्मेलनमा यो घोषणा गरेका हुन्।
अल्बानीजले भनेका छन् ‘यो सन्धिले दुवै राष्ट्रका नेता र मन्त्रीस्तरीय स्तरमा सुरक्षा मामिलामा नियमित रूपमा परामर्श गर्न प्रतिबद्ध गराउँछ।’ प्रधानमन्त्री अल्बानीजले यसलाई ‘साझा सुरक्षामा नयाँ द्विपक्षीय सन्धिको वार्तालाई सारभूत रूपमा सम्पन्न गरेको’ भन्दै यसलाई अष्ट्रेलिया इन्डोनेसिया सम्बन्धमा नयाँ युग को सङ्केत गरेको बताएका छन् ।
यो सन्धि मुख्यतया ३० वर्षअघि किटिङ र सुहार्तो सरकारहरूले हस्ताक्षर गरेको ऐतिहासिक सुरक्षा सम्झौतामा आधारित रहेको बताइएको छ।
अल्बानीजले अष्ट्रेलियाको घरेलु प्रक्रिया पूरा भएपछि सन् २०२६ को जनवरीमा औपचारिक रूपमा सन्धिमा हस्ताक्षर गर्न इन्डोनेसिया भ्रमण गर्ने अपेक्षा गरेका छन्। राष्ट्रपति सुबियान्तोले यस नयाँ सन्धिलाई ‘सबैभन्दा राम्रो नियतमा आधारित महत्वपूर्ण सम्झौता’ भन्दै छिमेकीहरूले एकअर्कालाई सहयोग गर्नुपर्ने बताएका छन्।
प्रकाशित मिति: २६ कार्तिक २०८२, बुधबार
प्रतिक्रिया