काठमाडौं । नेकपा एमाले इलाम जिल्ला अन्तर्गत महाधिवेशन प्रतिनिधिहरू सर्वसम्मत रूपमा चयन भएका छन्।
इलाम जिल्लामा दुई वटा प्रतिनिधि सभा रहेको छ र खुला तथा आरक्षित कोटासहित कुल २० जना प्रतिनिधि चयन भएका छन्।
इलाम–१ बाट युवातर्फ टीका पौडेल (निरोज) निर्वाचित भए। महिला तर्फ उमादेवी सुनुवार, शकुन्तला लेप्चा र सावित्रा शिवा निर्विरोध चयन भए। खुला तर्फ उदयबहादुर राई, उमेश गुरुङ, काजीमान कागते, खम्बसिंह लिम्बु र दीपककुमार थेबे प्रतिनिधि चयन भएका छन्।
इलाम–२ बाट युवातर्फ रामप्रसाद सुवेदी (रविन्द्र) चयन भए भने महिला तर्फ टीकादेवी घिमिरे, दिलकुमारी लिम्बु र पविमाया राई निर्विरोध प्रतिनिधि भएका छन्।
विघटित प्रतिनिधि सभाबाट सांसद सुहाङ नेम्वाङ खुला तर्फबाट प्रतिनिधि चयन भएका छन्। नेम्वाङसँगै केशवकुमार धौराली, गणेशप्रसाद बराल, दिपेन्द्र खनाल, महेश बस्नेत र हेमन्त राई सर्वसम्मत रूपमा प्रतिनिधि चयन भएका छन्। दलित कोटाबाट देवेन्द्र विश्वकर्मा पनि निर्विरोध प्रतिनिधि बनेका छन्।
यससँगै इलामबाट सर्वसम्मत रूपमा प्रतिनिधि चयन प्रक्रिया सम्पन्न भएको छ।
प्रकाशित मिति: १३ मंसिर २०८२, शनिबार
प्रतिक्रिया