काठमाडौं । राष्ट्रिय प्रजातन्त्र पार्टी राप्रपाले मंसिर २३ गते काठमाडौंमा बृहत् प्रदर्शन गर्ने भएको छ ।
राप्रपाले पार्टी कार्यालय धुम्बाराहीमा शुक्रबार आयोजना गरेको पत्रकार सम्मेलनमा नेता ज्ञानेन्द्र शाहीले बृहत् प्रदर्शन गर्न लागेको बताउँदै राप्रपा केन्द्रित मात्र नभएको भन्दै सबैलाई सहभागी हुन आह्वान गरे ।
उनले भने, यो आन्दोलन राप्रपाको मात्र होइन, प्रदेश संरचना खारेज गर्छु भनेर मन पराउनेको आन्दोलन हो, प्रत्यक्ष निर्वाचित कार्यकारी चाहिन्छ भन्नेको आन्दोलन हो, धर्म सापेक्षताको आन्दोलन हो ।
संविधानमा व्यापक सुधार गर्ने, गोलमेच सम्मेलन गरेर दीर्घकालिन व्यवस्थाका लागि राप्रपाले जोड दिँदै आएको छ । राजसंस्थाको वकालत गर्दै आएको राप्रपाले राजा सबैको साझा भएको बताएको छ ।
प्रकाशित मिति: १९ मंसिर २०८२, शुक्रबार
प्रतिक्रिया