काठमाडौं । भदौ २३–२४ का जेन–जी आन्दोलनका घटनापछि करिब तीन महिनापछि नेपाली कांग्रेसका सभापति शेरबहादुर देउवा र नेकपा एमाले अध्यक्ष केपी शर्मा ओली सपरिवार पुनःमहाराजगञ्जमा ओली-देउवा भेटवार्ता गएका छन्।
जेन–जी आन्दोलनको विरोध प्रदर्शनमा १९ जनाको मृत्यु र भदौ २४ गते देउवा दम्पतीमाथि बुढानीलकण्ठमा भएको सांघातिक हमलापछि दुवै नेताको प्रत्यक्ष भेटघाट रोकिएको थियो। त्यसयता फोनमार्फत मात्र सम्पर्क हुँदै आएको थियो।
शुक्रबार ओली पत्नी राधिका शाक्यसहित देउवाको महाराजगन्जस्थित भाडाको निवास पुगे। देउवा–ओली तथा दुवै दम्पतीका संयुक्त तस्बिर सचिवालयहरूले सार्वजनिक गरेका छन्। देउवाका प्रमुख स्वकीय सचिव भानु देउवाका अनुसार यो भदौपछिको पहिलो प्रत्यक्ष भेट हो, जसमा पारिवारिक र समसामयिक राजनीतिक विषय दुवै उठे।
पार्टीभित्रको विवादले देउवा हाल स्वास्थ्य आराममा बसे पनि आवश्यक राजनीतिक छलफलमा सक्रिय छन्। ओली भने एमाले अध्यक्षका रूपमा निरन्तर राजनीतिक भेटवार्तामा छन्।
सामाजिक सञ्जालमा यो भेटलाई संसद् पुनर्स्थापना, फागुन २१ को घोषित आमनिर्वाचन र माघ ११ को राष्ट्रिय सभा निर्वाचनसँग जोडेर हेरिएको छ। दुवै नेताका पक्षबाट यो भेटलाई ‘पारिवारिक सद्भाव’ र ‘चालू राजनीतिक संवाद’ का रूपमा व्याख्या गरिएको छ।
प्रकाशित मिति: १९ मंसिर २०८२, शुक्रबार
प्रतिक्रिया