काठमाडौं । मधेस प्रदेशमा भर्खरै नियुक्त भएका मुख्यमन्त्री कृष्णप्रसाद यादवले नेपाली कांग्रेसका सभापति शेरबहादुर देउवासँग खुसी बाँडेका छन्। मुख्यमन्त्री नियुक्त भएपछि काठमाडौं पुगेका यादव मंगलबार सभापति देउवाको महाराजगञ्जस्थित भाडाको निवास पुगेर खुसी साँटेका हुन्।
सो क्रममा मुख्यमन्त्री यादवले सभापति देउवालाई मिठाई खुवाए। त्यसको तस्बिर अहिले सामाजिक सञ्जालमा छाएको छ।
मधेसको राजनीतिमा पहिलो पटक कांग्रेसले मुख्यमन्त्री पाएको हो। कांग्रेस संसदीय दलका नेता यादव लामो समयदेखि मुख्यमन्त्री बन्ने प्रयासमा थिए। उनी देउवानिकट नेताका रूपमा चिनिन्छन्।
प्रकाशित मिति: २३ मंसिर २०८२, मंगलबार
प्रतिक्रिया