काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने र तत्कालीन गोर्खा मिडियाका सञ्चालक छविलाल जोशीसँग सम्बन्धित मुद्दाको सुनुवाइका लागि आज पनि नयाँ पेशी तोकिएको छ। मंसिर ११ गतेको सुनुवाइ लामिछाने पक्षका कानून व्यवसायीको अनुरोधमा स्थगित भएपछि अदालतले आजका लागि पेशी निर्धारण गरेको हो।
यद्यपि पेशी तोकिए पनि इजलास बस्ने–नबस्ने विषयमा अन्तिम टुंगो लाग्न बाँकी रहेको अदालतका सूचना अधिकारी रामबहादुर कुँवरले जानकारी दिए। बार एशोसिएसनको अधिवेशन चलिरहेको हुँदा सम्बन्धित पक्षका कानून व्यवसायीले पेशी हटाइदिन गरेको अनुरोध बारमार्फत अदालतमा पुगेको अदालतले जनाएको छ।
बुटवलस्थित सुप्रिम सहकारी संस्थाको रकम ठगी र संगठित अपराधको आरोपमा थुनामा रहेका लामिछाने र जोशीको मुद्दा कात्तिक १३ गतेपछिदेखि निरन्तर सारिँदै आएको छ।
प्रकाशित मिति: २५ मंसिर २०८२, बिहिबार
प्रतिक्रिया