काठमाडौं । नेकपा (एमाले)का अध्यक्ष केपी शर्मा ओलीले वर्तमान सरकारलाई कानुनी तथा नैतिक आधारविहीन भनेका छन्। प्रेस चौतारी नेपालले काठमाडौंमा आयोजना गरेको सम्पादकहरूसँगको संवाद कार्यक्रममा बोल्दै उनले अहिलेको सरकार ‘फेद न टुप्पो’ नभएको भन्दै व्यंग्यात्मक शैलीमा आलोचना गरे।
ओलीले सरकार गठन प्रक्रियामै प्रश्न उठाउँदै कसैले ‘टपक्क टिपेर टाँसिदिएको’ सरकारजस्तो देखिएको दाबी गरे। उनले भने, “नागपञ्चमीमा गोबरमा नागको तस्बिर टाँसिदिएजस्तै, यो पनि कसले कहाँबाट ल्याएर टाँस्यो? म खोज्दैछु।”
उनका अनुसार मतको आधार नभएको सरकारलाई राजनीतिक व्यवस्थाका विषयमा सहमति गर्ने अधिकार नै हुँदैन। रिहर्सलको पाठ जस्तै सरकारका निर्णयहरू गडबडिएको टिप्पणी गर्दै उनले प्राप्त सहमति स्वयं सरकारले नै च्यातेर हिँडेको आरोप लगाए।
प्रकाशित मिति: २५ मंसिर २०८२, बिहिबार
प्रतिक्रिया