काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ र सहसंयोजक माधव नेपाल नेकपा एमालेको ११औँ महाधिवेशन उद्घाटन समारोहमा उपस्थित नहुने भएका छन्।
महाधिवेशनको उद्घाटन सत्र केहीबेरमा भक्तपुरको सल्लाघारीमा सुरु हुने छ। प्रचण्ड र माधव हाल सुर्खेत पुगेका छन् र त्यहाँ आयोजित पार्टी एकता सन्देश सभालाई सम्बोधन गर्दैछन्।
नेपाली कम्युनिस्ट पार्टीको तर्फबाट नेता देव गुरुङले उद्घाटन समारोहमा सम्बोधन गर्ने जानकारी प्रचण्डका प्रमुख स्वकीय सचिव गोविन्द आचार्यले दिएका छन्।
एमालेले उद्घाटन समारोहमा नेकपा, कांग्रेस, रास्वपासहित जम्मा १६ दललाई सहभागिताका लागि आमन्त्रण गरेको छ।
प्रकाशित मिति: २७ मंसिर २०८२, शनिबार
प्रतिक्रिया