काठमाडौं । प्रतिनिधिसभा विघटनको निर्णय खारेज हुनुपर्ने मागसहित कांग्रेस सांसदहरूले दायर गरेको रिट निवेदनमाथि बुधबार सर्वोच्च अदालतमा प्रारम्भिक सुनुवाइ हुने भएको छ ।
सर्वोच्च अदालतले रिट निवेदनको सुनुवाइका लागि प्रधानन्यायाधीश प्रकाशमान सिंह राउतको नेतृत्वमा पाँच सदस्यीय इजलास गठन गरेको छ । इजलासमा न्यायाधीशहरू सपना प्रधान मल्ल, कुमार रेग्मी, डा. मनोजकुमार शर्मा र डा. नहकुल सुवेदी सदस्य रहेका छन् ।
कांग्रेस सांसद श्याम घिमिरेसहित केही सांसदहरूले प्रतिनिधिसभा पुनःस्थापना गर्नुपर्ने माग गर्दै सर्वोच्च अदालतमा रिट निवेदन दायर गरेका हुन् ।
प्रकाशित मिति: २ पुस २०८२, बुधबार
प्रतिक्रिया