काठमाडौं । नेकपा (एमाले) को ११ औं महाधिवेशनअन्तर्गत जारी निर्वाचनमा अहिलेसम्म ५५५ मत खसेको छ। राजधानीको भृकुटीमण्डपमा भइरहेको निर्वाचनमा यो संख्या सोमबार दिउँसोसम्मको विवरण हो।
एमालेका एक नेताका अनुसार, दिउँसो २ः३० बजेसम्म करिब एक चौथाई मत खसिसकेको थियो। नयाँ नेतृत्व चयनका लागि कुल २२६३ जना मतदाता सहभागी छन्।
निर्वाचन भइरहेकै बेला मतदान कक्ष बाहिर नेताहरू र कार्यकर्ताहरूले आ–आफ्नो पक्षको प्रचार–प्रसार गरिरहेका छन्। उनीहरूले मतदाताहरूसँग भेटघाट गर्दै आफ्नो पक्षमा समर्थन जुटाउने प्रयास गरिरहेका छन्।
प्रकाशित मिति: २ पुस २०८२, बुधबार
प्रतिक्रिया