काठमाडौं । राष्ट्र, राष्ट्रियता, धर्म, संस्कृति र नागरिक बचाउ अभियानका संयोजक दुर्गा प्रसाईंले राष्ट्रिय स्वतन्त्र पार्टी (रास्वपा) सभापति रवि लामिछानेविरुद्ध आक्रामक टिप्पणी गरेका छन्।
स्याङ्जा, वालिङमा बिहीबार आयोजित कार्यक्रममा प्रसाईंले रविलाई लक्षित गर्दै भने, ‘बाहिर के भनिए पनि बाघ आयो, बाघ! बाघ आएको छ, सहकारी जोगाउनुहोस्।’
प्रसाईंले भदौ २४ गते सिंहदरबारमा भएको आगजनी, अदालतमा आगो लगाउने र रविलाई नख्खु कारागारबाट रिहा गर्ने घटना एउटै समूहद्वारा गरिएको दाबी पनि गरे। उनले भने, ‘सिंहदरबारमा आगो लाग्यो, त्यसै टोलीले अदालतमा पनि आगो लगायो र रविलाई छुटायो। अहिले रवि जेलबाट बाहिर छन्।’
रवि जेलबाट छुटेपछि उनलाई भेट्ने विषयमा पनि प्रसाईं आक्रोशित देखिए। उनले प्रश्न गरे, ‘सुदन गुरुङ रविसँग जान्छन्। अर्को पनि रविसँग जाने भनेपछि मैले भनेको कुरा पुग्यो कि पुगेन? कत्रो साँठगाँठ रहेछ?’
प्रसाईंले रविले आफ्नो भागको जिम्मेवारी तिर्ने भन्दै निस्केको बताएर दोषी रहेको आफैले स्वीकार गरेको उल्लेख गरे।
यसरी प्रसाईंले रवि लामिछानेमाथि राजनीतिक आरोप र आपत्ति जनाउँदै ती घटनालाई संयुक्त र पूर्व नियोजित भएको दाबी गरेका छन्।
प्रकाशित मिति: १० पुस २०८२, बिहिबार
प्रतिक्रिया