काठमाडौं । प्रभु बैंकका प्रमुख कार्यकारी अधिकृत (सीईओ) अशोक शेरचन हाजिरी जमानीमा रिहा हुने भएका छन्। विशेष सरकारी वकिलको कार्यालयले शुक्रबार उनलाई अब म्याद थप नगरी हाजिरी जमानीमा छाड्ने निर्णय गरेको हो।
विशेष सरकारी वकिल कार्यालयकी सूचना अधिकारी एवं सहायक न्यायाधिवक्ता सरिता पोख्रेलका अनुसार शेरचनलाई हिरासतमा राखिराख्ने आवश्यकता नरहेको निष्कर्षसहित रिहा गर्ने निर्णय गरिएको हो। उनले भनिन्, ‘उहाँको म्याद अब थप नगर्ने निर्णय भएको छ। उहाँ हाजिरी जमानीमा रिहा हुनुहुनेछ।’
शेरचन मंसिर १४ गते पक्राउ परेका थिए। २७ दिन हिरासतमा बिताएपछि उनी रिहा हुन लागेका हुन्।
प्रकाशित मिति: ११ पुस २०८२, शुक्रबार
प्रतिक्रिया