काठमाडौं । उर्जामन्त्री कुलमान घिसिङले आगामी निर्वाचनमा देशको नेतृत्वका लागि सही व्यक्तिलाई चुनिनुपर्नेमा जोड दिएका छन्।
राष्ट्रिय घर निर्माण फेस्टको अवसरमा बोल्दै उनले उज्यालो नेपाल अभियानलाई साकार पार्न योग्य नेतृत्व आवश्यक रहेको बताए।
उनले भने, ‘चुनाव आउँदैछ, त्यसमा देश निर्माणका लागि योग्य र सक्षम व्यक्तिलाई नेतृत्वमा पठाउनुहोस्। सही नेतृत्व नआएसम्म विकास, समृद्धि र सुशासनका कुरा ओझेलमा पर्छन्। देशले डेलिभरी खोजेको छ, र डेलिभरी दिनसक्ने नेतृत्वलाई मात्र जिताउनुपर्छ।’
कुलमान घिसिङले वर्तमान सरकार छोटो अवधिको लागि गठन भएको र यसबाट धेरै अपेक्षा गर्नु उपयुक्त नहुने पनि स्पष्ट पारे। उनले थपे, ‘नेपालमै घर र गाडी जोड्नसक्ने वातावरण सिर्जना गर्नुपर्छ ताकि युवाहरू विदेश नजाओस्।’
प्रकाशित मिति: १२ पुस २०८२, शनिबार
प्रतिक्रिया