काठमाडौं । नेपाली कांग्रेसका सभापति शेरबहादुर देउवाले देशका सबै प्रमुख राजनीतिक दल निर्वाचनमा सहभागी हुन तयार रहेको बताएका छन्। शनिबार पुस १२ गते अन्तरिम सरकारकी प्रधानमन्त्री सुशीला कार्कीको आह्वानमा बसेको प्रमुख तीन दलका शीर्ष नेताहरूको बैठकपछि सञ्चारकर्मीहरूसँग कुरा गर्दै उनले यस्तो धारणा व्यक्त गरेका हुन्।
देउवाका अनुसार राजनीतिक दलहरू चुनावमा जान इच्छुक भए पनि हालसम्म निर्वाचनका लागि अनुकूल वातावरण बन्न सकेको छैन। निर्वाचन सफल बनाउन सरकारले आवश्यक वातावरण सिर्जना गर्नुपर्ने र देशभर सुरक्षा व्यवस्था मजबुत बनाउनुपर्नेमा उनले जोड दिए।
उनले भने, कांग्रेससहित सबै दल चुनावमा जान तयार छन्। एमाले पनि तयार छ। तर अहिले चुनावको वातावरण बनेको छैन। सरकारले वातावरण बनाउनुपर्छ र सुरक्षा सुनिश्चित गर्नुपर्छ।
प्रकाशित मिति: १२ पुस २०८२, शनिबार
प्रतिक्रिया