काठमाडौं । नेपाली कांग्रेसका प्रचार विभाग प्रमुख मीनबहादुर विश्वकर्माले पार्टीभित्र देखिएको विवाद समाधानका लागि संवाद र सहमतिलाई प्राथमिकता दिनुपर्ने आवश्यकता औंल्याएका छन्।
सामाजिक सञ्जाल फेसबुकमार्फत धारणा सार्वजनिक गर्दै उनले देश राजनीतिक अस्थिरता र अराजकतामा फसिरहेको अवस्थामा नेपाली कांग्रेस पनि आन्तरिक विवादका कारण संकटग्रस्त बनेको बताएका छन्।
उनले निषेध, नियन्त्रण, अस्वीकार वा बहिष्कारको बाटोभन्दा पनि विचार, भावना, विवेक र बुद्धिको उच्चतम प्रयोगमार्फत छलफल, संवाद, सहमति र स्वीकारको नीति अवलम्बन गर्न आग्रह गरेका छन्।
‘केवल विधि–विधानका धारामा अडिएर मात्र होइन, मन, मस्तिष्क र विवेकको समन्वयबाट संवाद र सहमतिमार्फत पार्टीलाई यो संकटबाट शीघ्र बाहिर निकाल्न शीर्ष नेतृत्वसहित सबै सरोकारवालालाई हार्दिक अनुरोध गर्दछु,’ विश्वकर्माले उल्लेख गरेका छन्।
प्रकाशित मिति: २५ पुस २०८२, शुक्रबार
प्रतिक्रिया