काठमाडौं । नेपाली कांग्रेस केन्द्रीय कार्यसमितिको बैठक मंगलबार बस्ने भएको छ। पार्टी केन्द्रीय कार्यालय सानेपामा बिहान ११ बजे बस्ने बैठकमा पार्टीमा विकसित पछिल्लो राजनीतिक परिस्थितिबारे छलफल हुने कांग्रेसले जनाएको छ।
बैठकमा केन्द्रीय कार्यसमितिका पदाधिकारी र सदस्यहरूका साथै सातै प्रदेशका सभापतिहरूको उपस्थितिका लागि अनुरोध गरिएको मुख्यसचिव कृष्णप्रसाद पौडेलले जानकारी दिए।
कांग्रेसका विशेष महाधिवेशन पक्षधरहरूको आह्वानमा पुस २७ गतेदेखि काठमाडौंको भृकुटीमण्डपमा विशेष महाधिवेशन जारी रहेकाले केन्द्रीय समिति बैठकमा यस विषयमा पनि छलफल हुने जनाइएको छ।
प्रकाशित मिति: २९ पुस २०८२, मंगलबार
प्रतिक्रिया