काठमाडौँ । राष्ट्रिय प्रजातन्त्र पार्टी (राप्रपा), नेपाल नागरिक पार्टी र नेपाल हाउस पार्टीबीच पार्टी एकीकरण भएको छ। मंगलबार धुम्बाराहीस्थित राप्रपा केन्द्रीय कार्यालयमा तीनै पार्टीबीच औपचारिक एकीकरण सम्पन्न भएको हो।
एकीकरणपछि नयाँ पार्टीले राष्ट्रिय प्रजातन्त्र पार्टीकै नाम, झण्डा र चुनाव चिन्ह कायम राख्ने सहमति भएको छ। यस कदमले राष्ट्रवादी शक्तिहरूलाई एकीकृत गर्दै आगामी निर्वाचनमा बलियो उपस्थितिको संभावना बढाउने विश्लेषकहरूको अनुमान छ।
विश्लेषकहरूका अनुसार, एकीकृत पार्टीको मुख्य एजेन्डामा हिन्दु राष्ट्र, संवैधानिक राजतन्त्र र सुशासनलाई प्राथमिकता दिइनेछ। यो एकीकरणले नेपालको राजनीतिक परिदृश्यमा नयाँ तरङ्ग थप्ने अपेक्षा गरिएको छ।
प्रकाशित मिति: २९ पुस २०८२, मंगलबार
प्रतिक्रिया