काठमाडौं । ट्यांकीमा पानी चढाउन मोटर खोल्ने क्रममा एक व्यक्तिले ट्यांकीभित्र खसेर ज्यान गुमाएका छन् । घटना काठमाडौं महानगरपालिका- ३, चुनदेवीको हो ।
जिल्ला प्रहरी प्रवक्ता एसपी पवनकुमार भट्टराईका अनुसार चुनदेवीस्थित सोमबहादुर थापाको घरमा अन्दाजी २४-२५ वर्षका पुरुष बुधबार बिहान मृत फेला परेका हुन् । उनको वतन खुलेको छैन ।
उनी पानी तान्ने मेसिनको स्वीच खोल्न जाने क्रममा ट्यांकीमा खसेको अनुमान प्रहरीले गरेको छ । उनको शव ट्यांकीबाट निकालिएको छ ।
प्रकाशित मिति: ३० पुस २०८२, बुधबार
प्रतिक्रिया