काठमाडौं । नेकपा एमालेभित्र प्रतिनिधिसभा निर्वाचनका लागि टिकट वितरणलाई लिएर विवाद बढ्दै गएको छ। अध्यक्ष केपी शर्मा ओलीले उम्मेदवार छनोटमा एकल निर्णय गरेको आरोप लगाउँदै पार्टीकै नेताहरू असन्तुष्ट देखिएका छन्।
उपमहासचिव योगेश भट्टराईको उम्मेदवारी अनिश्चित बनेसँगै विवाद थप चर्किएको हो। २०७९ को निर्वाचनमा ताप्लेजुङबाट निर्वाचित भट्टराईलाई यसपटक टिकट नदिने संकेत नेतृत्व तहबाट आएको बताइन्छ।
टिकट टुंगो नलागेपछि भट्टराईले सामाजिक सञ्जालमार्फत संयमित तर अर्थपूर्ण सन्देश व्यक्त गरेका छन्। उनले पार्टी एकतामा जोड दिए पनि त्यसलाई नेतृत्वप्रति असहमतिको संकेतका रूपमा हेरिएको छ।
एमालेभित्र टिकट वितरण प्रक्रिया अध्यक्षकेन्द्रित बन्दै गएको र संस्थागत निर्णय प्रणाली कमजोर भएको गुनासो बढ्दो छ। भट्टराईसहित केही नेताहरूले पार्टी बैठकमै निर्णय प्रक्रियाप्रति असहमति जनाइसकेका छन्।
प्रकाशित मिति: ४ माघ २०८२, आइतबार
प्रतिक्रिया