काठमाडौं । अधिवक्ता तथा राष्ट्रिय प्रजातन्त्र पार्टी (राप्रपा) का प्रतिनिधि सभा उम्मेदवार स्वागत नेपाल (भद्रप्रसाद नेपाल) लाई प्रहरीको केन्द्रीय साइबर ब्युरोले उपस्थित हुन बोलाएको छ।
साइबर ब्युरोका प्रवक्ता, एसपी दीपकराज अवस्थलीले नेपाललाई केही जानकारी लिन बोलाइएको पुष्टि गर्दै भने, ‘हामीले हिजो टेलिफोनमार्फत उपस्थित हुन भनेका छौं, तर उहाँ अहिलेसम्म आइपुग्नु भएको छैन।’
नेपाललाई सामाजिक सञ्जालमा व्यक्त गरेका अभिव्यक्तिसँग सम्बन्धित प्रश्नहरूको बारेमा बुझ्न बोलाइएको हो। हालसम्म उनीविरुद्ध उजुरी कसले दायर गरेको हो र के विषयमा दायर भएको हो भन्ने विवरण सार्वजनिक गरिएको छैन।
स्वागत नेपालले ५ माघमा राप्रपामा प्रवेश गरेका हुन् र झापा क्षेत्र नम्बर २ बाट प्रतिनिधि सभा निर्वाचनको उम्मेदवारी दिएका छन्।
प्रकाशित मिति: ८ माघ २०८२, बिहिबार
प्रतिक्रिया