काठमाडौं । नागरिक उन्मुक्ति पार्टी नेपालबाट कैलाली १ का उम्मेदवार रेशम चौधरीले आफूविरुद्ध परेको उजुरीमा स्पष्ट प्रतिक्रिया दिएका छन्।
चौधरीका अनुसार उनलाई राष्ट्रपतिबाट संविधान बमोजिम आंशिक नभई पूरै माफी दिइएको छ। उनले आफूलाई दिएको माफी पत्रमा १९ जनालाई पनि माफी दिइएको उल्लेख गरेका छन्।
रेशम चौधरीले भने,
“हामीलाई अदालतबाट भएको कैद सजाय माफी दिइएको छ। कैद सजाय माफी भएपछि यो पूर्ण माफी हो, आंशिक होइन। आंशिक माफीबाट आपराधिकता हट्दैन। मेरो माफी पत्रमा ‘बाँकी कैद माफी’ नभएर ‘फैसला बमोजिम लागेको कैद सजाय माफी’ भन्ने शब्द प्रयोग भएको छ। त्यसैले यो आंशिक नभई पूर्ण माफी हो।”
उनी आफ्नो उम्मेदवारीसँग सम्बन्धित उजुरी र आपराधिक मुद्दामा यसै माफीलाई आधार मान्दै प्रतिक्रिया दिइरहेका छन्।
प्रकाशित मिति: ८ माघ २०८२, बिहिबार
प्रतिक्रिया