दमक । नेकपा एमालेका अध्यक्ष केपी शर्मा ओलीले अराजकता लामो समय टिक्दैन र आपराधिक गतिविधिमा संलग्न व्यक्तिहरू कारबाहीको दायरामा पर्ने बताएका छन्।
बिहीबार झापाको दमक–८ स्थित तत्कालीन माओवादी नेता गगन पुरीको घरमा आगजनी भएको घटना स्थल अवलोकन गर्दै ओलीले विध्वंस मच्चाउनेहरू कानुनी दायरामा ल्याइने विश्वास दिलाए।
ओलीले पुरीलाई भने,
“सधैँ अराजकता कहाँ टिक्छ र, एक दिन त कारबाहीको दायरामा ल्याएरै छोडिन्छ। बरु उजुरी–निवेदन र अन्य प्रक्रिया अघि बढाउनु होला।”
नेता पुरीले आफूले सबै प्रमाण संकलन गरिसकेको र कानुनी उपचार प्रक्रिया अघि बढाएको जानकारी गराए। घटनास्थल अवलोकनपछि ओली दमकस्थित तत्कालीन माओवादी पार्टीको अन्य क्षति स्थलहरू पनि हेर्न गएका छन्।
प्रकाशित मिति: ८ माघ २०८२, बिहिबार
प्रतिक्रिया