काठमाडौं । आसन्न प्रतिनिधिसभा निर्वाचनका लागि उम्मेदवार बनेका प्रगतिशील लोकतान्त्रिक पार्टीका संरक्षक डा. बाबुराम भट्टराईले उम्मेदवारी फिर्ता गर्ने विषयमा पार्टीभित्र गम्भीर छलफल थालेका छन्। फागुन २१ गते हुने निर्वाचनका लागि उनले गोरखा–२ निर्वाचन क्षेत्रबाट उम्मेदवारी दर्ता गराएका छन्।
यसअघि निर्वाचनमा उम्मेदवार नबन्ने सार्वजनिक घोषणा गरेका भट्टराईलाई अन्तिम चरणमा पार्टीले उम्मेदवार बनाएको थियो। तर, उक्त क्षेत्रमा प्रतिस्पर्धामा रहेका अन्य दलका युवा उम्मेदवारहरूले उनलाई चुनावी मैदानबाट पछि हट्न आग्रह गरेपछि भट्टराईले आफ्नो निर्णय पुनः विचार गर्न थालेका हुन्।
उम्मेदवारी फिर्ता लिन आज अन्तिम समय रहेको छ। स्रोतका अनुसार, ‘डा. भट्टराईलाई चुनावी प्रतिस्पर्धामा भन्दा पनि अभिभावकीय भूमिकामा रहन सबै पक्षबाट आग्रह आएको छ। यही कारणले आज उहाँले पार्टी नेतृत्वसँग उम्मेदवारी फिर्ताका विषयमा छलफल गर्नुभएको हो।’
प्रकाशित मिति: ९ माघ २०८२, शुक्रबार
प्रतिक्रिया