काठमाडौं । नेपाली कांग्रेसले माघ १६ गते जनकपुरमा गर्ने भनिएको मधेस सभा स्थगित गरेको छ।
सभापति गगन थापासहितका नेताहरूले माघ ११ गते मधेस भ्रमण गर्ने र माघ १६ गते जनकपुरमा सभा गर्ने कार्यक्रम तय गरेका थिए। तर निर्वाचन आचारसंहिता लागू भइसकेको कारण र फागुन ४ अघि उम्मेदवारहरूले प्रचारप्रसार वा कुनै पनि सभा जुलुस गर्न नपाउने निर्वाचन आयोगको निर्देशनपछि कांग्रेसले मधेस सभाको मिति परिवर्तन गरेको हो।
प्रतिनिधि सभा निर्वाचनका लागि उम्मेदवार दर्ता अघि नै आयोगले आचारसंहिता लागू गरेको थियो। यसपटक उम्मेदवार दर्ता माघ ६ गते भएको थियो।
कांग्रेसका एक नेताका अनुसार मधेस सभाको नयाँ मिति पछि छलफल गरी तय गरिनेछ।
कांग्रेस सभापति गगन थापा सर्लाही-४ क्षेत्रबाट उम्मेदवार छन्।
प्रकाशित मिति: ११ माघ २०८२, आइतबार
प्रतिक्रिया