काठमाडौं। जेनजी आन्दोलनको क्रममा काठमाडौंका विभिन्न कारागारबाट फरार भएका सात जनालाई प्रहरीले पक्राउ गरेको छ।
जिल्ला प्रहरी परिसर काठमाडौंको टोलीले गत भदौ २४ गते फरार भएका उनीहरूलाई आज सार्वजनिक गरेको छ।
पक्राउ पर्नेमा रसुवाको उत्तरगया निवासी ४१ वर्षीय तेन्जिङबहादुर तामाङ, लमजुङको दूधपोखरी निवासी २० वर्षीय प्रितम गुरुङ, कञ्चनपुरको पुनर्वास निवासी २३ वर्षीया बविता तामाङ, काभ्रेपलाञ्चोकको ठाँटीपोखरी निवासी २२ वर्षीय विक्रम नेपाली, दोलखाको मेलुङ निवासी भुवन तामाङ, सिन्धुलीको फिक्कल निवासी भुवन तामाङ र भारतीय नागरिक रोशन साह रहेका छन्।
प्रहरी प्रवक्ता एवं उपरीक्षक पवनकुमार भट्टराईका अनुसार फरार सातै जनालाई सम्बन्धित कारागारमा फिर्ता पठाइएको छ। उनीहरू विभिन्न मुद्दामा कारागार जीवन बिताइरहेका थिए।
प्रकाशित मिति: ४ फाल्गुन २०८२, सोमबार
प्रतिक्रिया